နည်းပညာနှင့် ပတ်သတ်ပြီး စဉ်စားတွေးခေါ်တတ်စေဖို့ 

၂၀၁၀ ၀န်းကျင်လောက်က ကို စိုးသီဟနောင် ရေးသားခဲ့တဲ့ ပို့စ်လေး တစ်ခုပါ။

နည်းပညာ လေ့လာနေတဲ့ ညီငယ်၊ ညီမငယ်တွေ ထပ်ခါ ထပ်ခါ ပြန်တွေး၊ ပြန်ဖတ်ရမယ့် ပို့စ်တစ်ခုဖြစ်သလို အများစု ဖြစ်နေတဲ့ အကြောင်းအရာတွေကို အသေးစိပ် လေ့လာ လမ်းညွှန်ရေးသားပေးထားတာလဲ ဖြစ်ပါတယ်။

ကျွန်တော်တို့ ဘာကြောင့် အခြေခံအဆင့်က မတက်နိုင်တာလဲ ?

ကောက်နှုတ်ချက်

နည်းပညာဆိုတာ အရင်းခံက အတွေးပါ။ Thinking ပါ။
Thinking ဆိုတဲ့နေရာမှာလည်း ပုံမှန် သမာရိုးကျအတွေး (Linear Thinking) နဲ့ မလုံလောက်ပါဘူး။ သမာရိုးကျ မဟုတ်တဲ့ (Non-linear Thinking) တွေ များများ တွေးတတ်မှ အလုပ်ဖြစ်ပါတယ်။

အဲဒီလို တွေးတတ်ဖို့ဆိုတာ ငယ်ငယ်ကတည်းက
သင်ယူလာဖို့ လိုပါတယ်။

လိုင်းတား၊ ဘာမှမစဉ်းစားပဲ ဒီအတိုင်း အလွတ်ကျက်ပြီး ဖြေလာတဲ့ အလေ့အထတွေက ဦးနှောက်တွေကို သေသွားစေပါတယ်။ နည်းပညာကို သင်မယ် ဆိုတော့မှာ အသည်းအသန် တွေးရပါတော့တယ်။ အဲဒီမှာ အတွေးအတွက် အချိန်တွေပေးရပါတော့တယ်။

...

အဆင့်မြင့်မြင့် နားလည်နိုင်စွမ်းကို ရချင်လာတဲ့အခါ
သီအိုရီတွေ ပစ်ထားမိသမျှ နောင်တ ရလာပါတယ်။

...

ကျွန်တော်တို့ အခြေခံအဆင့်ကနေ ဘယ်လို ရုန်းထွက်ကြမလဲ။ အခြေခံ အဆင့်ဆိုတာ ဘာကို ခေါ်တာလဲ။

နည်းပညာ နယ်ပယ်မှာ အဆင့်တွေကို ဘယ်လိုခွဲလဲ စသည်ဖြင့် မေးခွန်းတွေ တစ်ခုပြီး တစ်ခု ကိုယ်ကိုကိုယ် ပြန်မေးကြည့် ပါတယ်။
ဘယ်လိုမှ အဖြေရှာ မရပါဘူး။

ဒီလိုနဲ့ အဖြေရမလားဆိုပြီး အင်တာနက်မှာ ရှာကြည့်ပြန်တော့လည်း အဖြေက ရေရေရာရာ မတွေ့ပါဘူး။ အဲဒီတော့ မဖြစ်သေးပါဘူး ဆိုပြီး မေးခွန်းကို ပြောင်း မေးကြည့်
ပါတယ်။

ကျွန်တော်တို့ အခြေခံ အဆင့်ကနေ ဘာကြောင့် မတက်နိုင်တာလဲ၊ ဘယ်လို အတားအဆီးတွေ ရှိနေပါသလဲ စသည်ဖြင့် မေးခွန်းတွေ ပြောင်းမေးကြည့်မှ
ကျွန်တော်တို့ အခြေခံအဆင့်ကနေ မတက်နိုင်ရခြင်း အကြောင်းအရင်းခံတွေ အများကြီး တွေ့လာပါတော့တယ်။

ဒီတော့ ကိုယ့်ကိုကိုယ် ပြန်သုံးသပ် တာလည်း
ပါသလို အခြေခံအဆင့်က ရုန်းထွက်လိုသူတွေကိုပါ အချင်းချင်း အပြန်အလှန် အကူအညီပေးတဲ့အနေနဲ့ ဒီပို့စ်ကို ရေးလိုက်ရခြင်း ဖြစ်ပါတယ်။

အားနည်းချက်များ လိုအပ်ချက်များရှိပါက ထောက်ပြ ဝေဖန်ပေးစေလိုပါတယ်။

ပထမဦးဆုံး ကျွန်တော်အမြင်အရ အခြေခံအဆင့်ကနေ ရုန်းထွက်နိုင်သူကို ပုံဖော်ကြည့်ပါ့မယ်။ လူတစ်ယောက်က Apache, PHP, MySQL စသည်ဖြင့် တွဲစပ်နေတဲ့ အတွဲအစပ်တစ်ခုကို အစကနေ လေ့လာမယ်
ဆိုပါတော့။ ခုမှ စမယ့်သူအတွက်တော့ လေ့လာစရာတွေ အများကြီး
ဖြစ်နေပါလိမ့်မယ်။ ဒီလို လေ့လာနေရင်း၊ လက်တွေ့လည်း စမ်းသပ်နေရင်း
တစ်ချိန်မှာ အဲဒီ နည်းပညာကို လိုက်မှီသွားတဲ့ အခြေအနေတစ်ခုကို ပိုင်ဆိုင် လာပါလိမ့်မယ်။

အဲဒီလို လိုက်မှီပြီဆိုရင် ကိုယ့်အတွက် အဲဒီနည်းပညာ
အသစ်ထွက်တိုင်း အသစ်ထွက်တဲ့ Feature ကို နားလည်အောင် အသုံးချတတ်အောင် Upgrade လုပ်နေဖို့ပဲ လိုပါတော့တယ်။

အဲဒီလို အခြေအနေမှာဆိုရင် အချိန်နှင့်
အမျှ Upgrade လုပ်နေစရာလည်း မလိုတော့ပဲ အချိန်ကာလ တစ်ခုခု ကြာမှသာ Upgrade လုပ်ဖို့ လိုပါတော့တယ်။

ဒီလိုပါပဲ WordPress Theme Developer တွေအနေနဲ့
2.9.x series နဲ့ လုပ်ကိုင် ဆောင်ရွက်နေတာ အချိန်တွေ မနည်းတော့ပါဘူး။ ခုမှ 3.0 ထွက်မှာပါ။

အဲဒီလို ထွက်တဲ့ အခါကျရင်လည်း ဘာတွေ အသစ်ဖြစ်လာလဲ၊ ဘာတွေ
အသစ်ပါလာလဲ စသည်ဖြင့် လေ့လာပြီး Adapt လုပ်လိုက်ရုံပါပဲ။ ဒီလို အဆင့်ကို ရောက်ပြီဆိုရင် အခြေခံအဆင့်က ရုန်းထွက်နိုင်ပြီလို့ ကျွန်တော် ယူဆပါတယ်။

ကျွန်တော့် ယူဆချက် သက်သက် ဖြစ်ကြောင်း ဝန်ခံပါတယ်။ ဒီတော့ ကျွန်တော်တို့ ဘာကြောင့် အခြေခံအဆင့်က မတက်နိုင်တာလဲ ဆိုတဲ့ အချက်တွေကို သုံးသပ်ကြည့်ရအောင် …

(၁) ငယ်ရွယ်စဉ်ကတည်းက တွေးတောဆင်ခြင်ခြင်းဆိုင်ရာ သင်ကြားမှုများ အားနည်းခဲ့ခြင်း

နည်းပညာဆိုတာ အရင်းခံက အတွေးပါ။ Thinking ပါ။
Thinking ဆိုတဲ့နေရာမှာလည်း ပုံမှန် သမာရိုးကျအတွေး (Linear Thinking) နဲ့ မလုံလောက်ပါဘူး။ သမာရိုးကျ မဟုတ်တဲ့ (Non-linear Thinking) တွေ များများ တွေးတတ်မှ အလုပ်ဖြစ်ပါတယ်။ အဲဒီလို တွေးတတ်ဖို့ဆိုတာ ငယ်ငယ်ကတည်းက သင်ယူလာဖို့ လိုပါတယ်။




လိုင်းတား၊ ဘာမှမစဉ်းစားပဲ ဒီအတိုင်း အလွတ်ကျက်ပြီး ဖြေလာတဲ့ အလေ့အထတွေက ဦးနှောက်တွေကို သေသွားစေပါတယ်။ နည်းပညာကို သင်မယ်
ဆိုတော့မှာ အသည်းအသန် တွေးရပါတော့တယ်။ အဲဒီမှာ အတွေးအတွက် အချိန်တွေပေးရပါတော့တယ်။

ကျွန်တော် နယ်မြို့ငယ်လေး တစ်မြို့မှာ ရှစ်တန်းတက်တုန်းက ဆရာနှစ်ယောက်ကို ဂါရဝပြု သတိရမိပါတယ်။ မြန်မာစာဆရာနဲ့ သင်္ချာဆရာပါ။ မြန်မာစာ ဆရာရဲ့ နာမည်က ဦးအောင်သန်းဦး ဖြစ်ပြီး အမြဲတမ်း ပန်းနာရင်ကျပ်နဲ့ နဘန်းလုံး နေရပါတယ်။

ကျွန်တော်တို့မှာ ဆရာနဲ့ စာသင်ချင်လွန်းလို့ ဆရာ နေကောင်းတဲ့ အချိန်အထိ ပြုစုတဲ့သူက ပြုစု ရေပူရေချမ်း ကမ်းတဲ့သူက ကမ်းပြီး စောင့်ရပါတယ်။ ဆရာစာသင်တဲ့ ပုံစံကို
ကျွန်တော် ပြောပြပါ့မယ်။

ဆရာက မြန်မာကဗျာတွေကို သင်တော့မယ့်ဆိုရင် အရင်ဆုံး
တယောပြားလေးနဲ့ထိုးပြီး ကဗျာကို အရင်ဆိုပြပါတယ်။

အဲဒီကဗျာကို ရေးတုန်းက ကဗျာဆရာရဲ့ ပုံရိပ်ကို မျက်စိထဲ မြင်လာအောင်၊ ကဗျာဆရာရဲ့ ခံစားချက်ကို
ဖမ်းဆုပ်မိလာအောင်၊ ဘာကြောင့် ဒီလိုကဗျာတွေ ထွက်အံကျလာရသလဲ စတဲ့ ပုံရိပ်တွေကို အရင် သင်ပေးပါတယ်။ အဲဒီလိုသင်ပေးပြီးမှာ ကဗျာကို
ရှင်းပြပါတယ်။

ဒီတော့ ကျွန်တော်တို့မှာ ကဗျာကို ခံစားတတ် စဉ်းစား
တတ်လာပါတယ်။ ကိုယ့်ဘဝတွေနဲ့ မတူတဲ့ ဘဝတွေကို Alternative Thinking လုပ်လို့ ရလာပါတယ်။

နောက်ဆရာ တစ်ယောက်က ဆရာဦးကြည်ဝင်းပါ။ သင်္ချာဆရာပါ။ ဆရာက စာသင်တော့မယ် ဆိုတာနဲ့ Blackboard ကို နှစ်ပိုင်းပိုင်း လိုက်ပါတယ်။ တစ်ပိုင်းက ကြိုက်တဲ့သူ ထွက်တွက်ဖို့ တစ်ပိုင်းကတော့
သူတွက်ပြဖို့ပါ။ အဲဒီလို ကြိုက်တဲ့သူ ထွက်တွက်ဆိုတာနဲ့ ကျွန်တော်ရယ်
ကျွန်တော့် သူငယ်ချင်း တစ်ယောက်ရယ် အမြဲတမ်း ဒိုင်ခံထွက်တွက်ကြပါတယ်။

အဲဒီလို တွက်တဲ့အခါမှာ သူနဲ့ မတူအောင် တွက်နိုင်ရင် ဆရာအရမ်း ပျော်ပြီး ချီးမွမ်းခန်းဖွင့်လို့ကို မဆုံးတော့ပါဘူး။ အဲဒီလို မတူတဲ့ တွက်နည်းနှစ်ခုကို နှိုင်းယှဉ်ပြီး ပြန်ရှင်းပြလေ့ ရှိပါတယ်။

သူနဲ့ တွက်နည်း တူနေတယ် ဆိုရင်တော့ Alternative Ways တွေကို ပြောပြပြီး တွက်ခိုင်းလေ့ ရှိပါတယ်။ ဒီလို ဆရာကောင်းနှစ်ဦးနဲ့ ကြုံခဲ့တဲ့အတွက် နည်းပညာနယ်ပယ်မှာ
မတောက်တစ်ခေါက် တွေးတတ်လာတာလို့ပဲ ကျွန်တော့်ကိုယ် ကျွန်တော် ယူဆပါတယ်။

ငယ်စဉ်ကတည်းက တွေးတတ်အောင် မသင်လာခြင်းဟာ မိဘတွေနဲ့လည်း ဆိုင်မယ်ထင်ပါတယ်။ မိဘတွေ ကိုယ်တိုင်က သားသမီးတွေကို တွေးတတ်အောင် သင်ပေးဖို့ထက် အလွတ်ကျက်ဖို့ အားပေးတတ် ကြပါတယ်။ ဒီတော့ တွေးဖို့ထက် ကျက်ဖို့ အားသန် သွားပါတော့တယ်။

ဒီလို အတွေးကို တားစီးလိုက်ခြင်းဟာ နည်းပညာနယ်ပယ်မှာ အခြေခံအဆင့်က မတက်စေတဲ့ ပထမဦးဆုံးနဲ့
အရေးအကြီးဆုံး အတားအဆီးပဲလို့ ကျွန်တော် ယူဆပါတယ်။

တိုးတက်နေတဲ့ ဖွံ့ဖြိုးနေတဲ့ နိုင်ငံတွေကို ကြည့်မယ်ဆိုရင် ငယ်စဉ်ကတည်းက တွေးတတ်အောင်၊
Literal Thinking လို ခက်တဲ့ အတွေးတွေကို တွေးတတ်အောင် စနစ်တကျ သင်ပေးနေတာ
တွေ့နိုင်မှာ ဖြစ်ပါတယ်။

ဒီတော့ ကလေးတွေအနေနဲ့ ငယ်စဉ်ကတည်းက တွေးတတ်နေတော့
နည်းပညာနဲ့ ထိတွေ့တဲ့အခါ တွေးနည်းတွေကို တန်းသုံးရုံပါပဲ။ ဒီတော့
အချိန်တိုတိုအတွင်းမှာ နည်းပညာနဲ့ ယဉ်ပါးတဲ့သူ ဖြစ်သွားပါ တော့တယ်။

(၂) အင်္ဂလိပ်စာဖတ်နိုင်မှု အားနည်းခြင်း

ဒါကတော့ ဟိုးကတည်းက ခုအချိန်ထိ မဖြေရှင်းနိုင်သေးတဲ့ ပြဿနာပါ။ ဆယ်နှစ်လောက် အင်္ဂလိပ်စာ သင်လာပြီး ဘာကြောင့် မတတ်ရတာလဲ ဆိုတာကိုတော့ ကျွန်တော်ကိုယ်တိုင်လည်း နားမလည်ပါဘူး။ တကယ်တော့ ဆယ်နှစ်မလိုပါဘူး။ နှစ်နှစ် သုံးနှစ်နဲ့ အတိုင်းအတာ တစ်ခုအထိ ပြောနိုင်၊ ဖတ်နိုင် ရေးနိုင်တဲ့ အခြေအနေမှာရှိပါတယ်။

ဒီလို အင်္ဂလိပ်စာ မဖတ်တတ်တော့ အိုင်တီကို ထိမယ်ဆိုတာနဲ့ တိုင်ပတ်ပါတော့တယ်။ အိုင်တီကို တိုက်ရိုက်လေ့လာလို့ ရရမယ့်နေရာမှာ အင်္ဂလိပ်စာက လာခံနေတော့
အင်္ဂလိပ်စာ တတ်အောင် ပြန်သင်နေရပါတယ်။

ဒီနေရာမှာ မြန်မာလို ဖတ်လို့ရအောင် ရှာမယ်ဆိုရင်တော့ မလွယ်ပါဘူး။ ဘာသာပြန်တဲ့သူတွေ ပြန်ဖို့ မမှီလောက်အောင် နည်းပညာစာအုပ်တွေက အထွက် မြန်ပါတယ်။

အဲဒီလို ထွက်သမျှတွေကလည်း အင်္ဂလိပ်လိုပဲ
ရေးထားတော့ အင်္ဂလိပ်စာ မဖတ်တတ်ရင် လေ့လာလို့ မရတော့တဲ့ အခြေအနေ ရောက်သွား
ပါတော့တယ်။

သင်တန်းသွားတတ်တော့ ဆရာသင်တဲ့အတိုင်း ရပါတယ်။ ကိုယ့်ဘာသာ
လေ့လာမယ်ဆိုတော့ Self-study လုပ်မယ်ဆိုတော့ အားလုံးက အင်္ဂလိပ်လိုတွေပဲ တွေ့ပြီး တစ်နေပါတော့တယ်။

(၃) နယ်ပယ်တစ်ခုတည်းကို စူးစိုက်သင်ယူမှု အားနည်းခြင်း

ကျွန်တော် ကွန်ပျူတာ အခြေခံတက်ပြီးတဲ့ အချိန်ကို သွားသတိရပါတယ်။ အဲဒီအချိန်တုန်းက ဟိုလူ့ကို မေးတော့ Graphic Design၊ ဒီလူ့ကို မေးတော့ Programming အဲဒီလို နည်းလမ်းမျိုးစုံ
အကြံမျိုးစုံကြားမှာ ဘယ်ဟာ လုပ်ရမှန်း မသိဖြစ်ခဲ့ဘူးပါတယ်။ အဖေတွေ
အမေတွေကလည်း မင်းကွန်ပျူတာ သင်နေတာ ဘာလုပ်စားမှာလဲ စသည်ဖြင့် Pressure တွေပေးလာတော့ စိတ်ဓာတ်တွေ ကျလာပါတယ်။

ဒီလိုနဲ့ နယ်ပယ်တစ်ခုကို သီးသီးသန့်သန့် မရွေးတတ်တော့ပဲ ဟိုလူလာ ဟိုလူနဲ့ ယောင်၊ ဒီလူလာ ဒီလူနဲ့ယောင်၊ ယောင်ခြောက်ဆယ် ဖြစ်နေပါတော့တယ်။ ဒါတောင် ကျွန်တော်တို့တုန်းက ကွန်ပျူတာနဲ့ ပတ်သက်ရင် နယ်ပယ်တွေ အများကြီး မရှိသေးပါဘူး။ အခွင့်အလမ်းလည်း
အင်မတန် နည်းသေးတဲ့ အချိန်ပါ။

ခုချိန်ဆိုရင်တော အခွင့်အလမ်းလည်း
များလာသလို နယ်ပယ်တွေလည်း များလာပါတယ်။ ဒီတော့ ပိုပြီး ယောင်လို့ကောင်း လာပါတယ်။

ကျွန်တော်တို့တုန်းက ယောင်ခြောက်ဆယ် ခုချိန်ဆိုရင်တော့ ယောင် ၂၀၀ လောက်ဖြစ်နေပြီ ထင်ပါတယ်။

ကွန်ပျူတာ စလေ့လာခါစက သူငယ်ချင်း တစ်ယောက်ကို သတိရပါတယ်။ အဲဒီတုန်းက သူ့ကြောင့်ပဲ ကျွန်တော် ကွန်ပျူတာ တက်ဖြစ်ခဲ့တာပါ။ ကျွန်တော်ကတော့ သူစပေးတဲ့အတိုင်း ကွန်ပျူတာကိုပဲ တစ်ဆင့်ခြင်း တက်ခဲ့ပေမယ့် သူကတော့ ဟော်တယ်သင်တန်း ဆိုလည်း သွားတက်ပါတယ်။
ဟိုသင်တန်းကောင်းတယ် ဆိုလဲ သွားတက်ပါတယ်။ အစကတော့ သူတက်တဲ့အတိုင်း လိုက်တက်ကြည့်ပါသေးတယ်။ နောက်တော့ စိတ်မပါတော့တာနဲ့ သူနဲ့ လိုက်မတက် ဖြစ်တော့ပါဘူး။

အဲဒီအချိန်တုန်းကတော့ သူနဲ့ စကားပြောတဲ့အခါ အင်မတန်
အားကျရပါတယ်။ ဟိုဟာဆိုလည်း သူမပြောနိုင်တာ မရှိ၊ ဒီဟာဆိုလည်း သူမသိတာ မရှိ။ လက်ဖက်ရယ်ဝိုင်းမှာ အမြဲဦးဆောင်လေ့ ရှိပါတယ်။

ခုနောက်ပိုင်း ပြန်တွေ့တော့
တက်စီ မောင်းနေတယ်လို့ သိရပါတယ်။ ကျွန်တော်လည်း အရမ်းအံ့သြပြီး သူ့ကို မေးကြည့်ပါတယ်။ အရင်တုန်းက တက်ခဲ့တာတွေ မသုံးတော့ ဘူးလားဆိုတော့ သူက
ပြန်ပြောပါတယ်။ အခု အသုံးတည့်နေတယ်တဲ့။ တက်စီ စီးတဲ့ Passenger က ကွန်ပျူတာသမားဆို ကွန်ပျူတာ အကြောင်း ပြောတယ်တဲ့။ ဟော်တယ်က ဆိုရင်
ဟော်တယ်အကြောင်း ပြောတယ်တဲ့။ သူနဲ့ အဆင်မပြေတဲ့ Passenger မရှိဘူးလို့ ဆိုပါတယ်။

ကျွန်တော် အပေါ်မှာ ပြောခဲ့သလိုပါပဲ။ နည်းပညာတစ်ခုကို လိုက်မှီသွားတဲ့ အခြေအနေဆိုတာ နယ်ပယ်တစ်ခုတည်းကို ကွက်ပြီး သူနဲ့ ဆက်စပ် ပတ်သက်နေတာတွေ တွဲစပ်လေ့လာမှသာ ဖြစ်နိုင်တာပါ။
အဲဒီလိုမဟုတ်ပဲ နယ်ပယ်စုံ လေ့လာနေရင်တော့ ဟိုနေရာမှာလည်း အခြေခံ၊ ဒီနေရာမှာလည်း အခြေခံပဲ ဖြစ်နေပါလိမ့်မယ်။

(၄) အလုပ်အကိုင် အခွင့်အလမ်း အားနည်းခြင်း

ဒါကတော့ ကျွန်တော်တို့ဆီမှာ သိပ်မထူးတဲ့ ကိစ္စတစ်ခုပါ။ အလုပ်အကိုင် အခွင့်အလမ်း နည်းတယ် ဆိုတဲ့နေရာမှာ တန်အောင် မပေးနိုင်တာ၊ တန်အောင် မရတာဆိုတဲ့ အချက်တွေလည်း ပါမယ်ထင်ပါတယ်။
အလုပ်ရှင်အနေနဲ့ ပေးနိုင်တဲ့ ပမာဏကလည်း နည်းသလို အလုပ်လုပ်မယ့် သူအတွက် ပြန်ရမယ့် Reward ကလည်း နည်းနေပါတယ်။ ဒါကြောင့် ပြည်တွင်းအလုပ်ဆို
စိတ်မဝင်စားကြတော့ပဲ နိုင်ငံခြားထွက်ဖို့ ပြင်ဆင်ကြရပါတယ်။ နိုင်ငံခြားမှာ ဘယ်လိုလုပ်မယ်၊ ဘာတွေတတ်မှ ဖြစ်မယ်ဆိုတာတွေ သိတဲ့သူတွေအတွက် ကြိုတင်ပြင်ဆင်မှုတွေ လုပ်နိုင်ပေမယ့် မသိသူတွေ အတွက်ကြတော့ ဘယ်လို ပြင်ဆင်ရမှန်း မသိတော့ပဲ၊ ဟိုဟာကောင်းနိုးနိုး၊ ဒီဟာကောင်းနိုးနိုး၊ အများတကာ အကြံပေးတဲ့အတိုင်း လိုက်လုပ်ကြပါတယ်။

ကိုယ့် Talent က ဘယ်နေရာမှန်း မသိပေမယ့် အဆင်ပြေတဲ့နေရာကို ဝင်တိုးကြရပါတယ်။ အဲဒီလို ဟိုနေရာ ဝင်တိုးလိုက်၊ ဒီနေရာ ဝင်တိုးလိုက်နဲ့ ယောင်သွားကြတဲ့ သူတွေလည်း မနည်းပါဘူး။

သူများတွေ AutoCAD ဆို လိုက် AutoCAD၊ သူများတွေ Graphic ဆို
လိုက် Graphic၊ အဲဒီလိုနဲ့ အခြေခံ အဆင့်က မတက်တော့ပါဘူး။ ပိုက်ဆံတတ် နိုင်တဲ့သူတွေက သင်တန်းတွေ တက်နိုင်ကြပေမယ့် ပိုက်ဆံမတတ်နိုင် သူတွေကတော့ ကိုယ်ဘယ်လိုမှ မမျှော်မှန်းခဲ့တဲ့ လမ်းတွေကို ရွေးရပါတော့တယ်။

အလုပ်အကိုင် အခွင့်အလမ်း အားနည်းခြင်း ဆိုတဲ့ အချက်ကတော့ နိုင်ငံတိုးတက်မှု အပေါ်မှာ တိုက်ရိုက် မှီခိုနေပါတယ်။ နိုင်ငံ တိုးတက်မှု ကောင်းလေ အလုပ်အကိုင် အခွင့်အလမ်း ပွင့်လေပါပဲ။ ခုလို Information Age မှာ နိုင်ငံတိုးတက် လာတယ်ဆိုရင် သတင်းအချက်အလက် နည်းပညာလည်း ကျွဲကူးရေပါ တိုးတက် လာတာပါပဲ။ အဲဒီလို တိုးတက်ပြီ ဆိုတာနဲ့
သတင်း အချက်အလက် နည်းပညာဆိုင်ရာ အလုပ်အကိုင် အခွင့်အလမ်း တွေလည်း ပွင့်လာမှာပါ။

ဒီ အခြေအနေ ရောက်ရင်တော့ ငါ့အကိုကြီးက System Analyst၊ လစာ
ဘယ်လောက်ရတယ်။ ငါ့ ဦးလေးက Game Developer၊ လစာက ရေလည် လန်းတယ်။ ငါ့
အမကတော့ Graphic Designer၊ လစာကတော့ မမေးနဲ့ ဆိုတာမျိုးတွေ ဖြစ်လာ
ပါလိမ့်မယ်။

ဒါဆိုရင် လူငယ်တွေအနေနဲ့ ကလေး ဘဝကတည်းက အားကျစရာ၊ အတုယူစရာတွေ ဖြစ်ပြီး ဘယ်လို လျှောက်လှမ်း ရမယ်ဆိုတဲ့ Guide Lines တွေလည်း ရလာမှာ ဖြစ်ပါတယ်။

ခု အခြေအနေမှာတော့ မမှီတဲ့ ပန်း တုံးခုလှမ်း ဆိုသလို
နိုင်ငံခြားက စံနှုန်းတွေအတိုင်း လိုက်နေကြ ရပါတယ်။ လူစွမ်းကောင်း တွေကတော့ မိုးပျံပြီး မမှီတဲ့ပန်းကို ခူးနိုင်ပေမယ့် လူစွမ်းကောင်း မဟုတ်သူ တွေကတော့
ပန်းခြောက်လေးတွေ ကောက်ပြန် ဆိုသလို အလုပ်ဖြစ်တယ် ဆိုရုံလောက် သွားနေကြရပါတယ်။

(၅) အခြေခံအဆင့်နှင့် အဆင့်မြင့်အဆင့် ကြားတွင် အဆက်ပြတ်နေခြင်း

ကျွန်တော့်အမြင်အရ အခြေခံအဆင့်ဆိုတာ လူတိုင်းတတ် နိုင်တယ်လို့ လက်ခံထားပါတယ်။ ဒါပေမယ့် အဆင့်မြင့်ပိုင်း ပြောရရင် Professional ပိုင်းမှာတော့ လူတိုင်း တတ်နိုင်တယ်လို့
လက်မခံပါဘူး။ ပုံတူကူးချနိုင်တဲ့ အဆင့်ကို အဆင့်မြင့် အဆင့်လို့
လက်ခံရင်တော့ ကျွန်တော် ပြောတာမှား နေပါလိမ့်မယ်။

ကျွန်တော်ဆိုလိုတဲ့ အဆင့်မြင့် အဆင့်ဆိုတာ ကိုယ်တိုင် ဖန်တီးနိုင်စွမ်း ရှိတာကိုပြောတာပါ။

လူတစ်ယောက်ဟာ အိုင်တီမှာ အခြေခံအဆင့်တွေ ဖြစ်တဲ့ စာစီစာရိုက်၊ အင်တာနက်၊ အီးမေးလ် စသည်ဖြင့် မည်သူမဆို တတ်နိုင်ပါတယ်။

ဒါပေမယ့် သူထက်မြင့်တဲ့ အဆင့်တွေကို တတ်ဖို့ဆိုတာကတော့ သေချာပေါက် ပြောဖို့ ခက်သွားပါပြီ။

လူတစ်ယောက်က Graphic Design တွေ ဖြစ်တဲ့ Photoshop စတာတွေကို သင်ပြီး သူများလုပ်ထားတဲ့ အတိုင်း တစ်သွေမတိမ်း လိုက်လုက်နိုင်မယ်၊ ဒါပေမယ့် ကိုယ်တိုင် ဖန်တီးနိုင်စွမ်း မရှိဘူးဆိုရင်တော့ အခြေခံ အဆင့်မှာပဲ ရှိသေးတယ်လို့ ကျွန်တော် ယူဆပါတယ်။

အဲဒီလို မှားယွင်းစွာ ရွေးချယ်မိတဲ့သူတွေ မနည်းပါဘူး။ ကိုယ်တိုင် တီထွင်နိုင်စွမ်းကို ဘယ်လိုမှ ဖော်ထုတ်လို့ မရတော့ပဲ တစ်ခြား နည်းလမ်း တစ်ခုကိုလည်း ရွေးချယ်ခွင့် မရှိတော့တဲ့သူတွေ အများကြီးပါ။

အဲဒါဘာကြောင့်လဲ ဆိုတာကို ကျွန်တော် အနေနဲ့ အဖြေရှာကြည့်ပါတယ်။

အဲဒီလို အဖြေရှာကြည့်တဲ့အခါမှာ အချက်တစ်ခုကို သွားတွေ့ပါတယ်။ အဲဒါကတော့ အခြေခံအဆင့်နဲ့ အဆင့်မြင့် အဆင့်ကြားမှာ အဆက်ပြတ်
နေတာကြောင့်လို့ ကျွန်တော် ယူဆပါတယ်။
အခြေခံအဆင့် ဆိုတာတွေ တက်ပြီး သင်ပြီးတဲ့အချိန်မှာ တစ်ခါတည်း အဆင့်မြင့် အဆင့်တွေကို တန်းတက်ကြပါတယ်။

တကယ်တော့ အဲဒီနေရာမှာ အခြေခံအဆင့် ထက်လည်း မြင့် အဆင့်မြင့် အဆင့်လည်း မရောက်သေးတဲ့ ကြားအဆင့်တစ်ခု အရင်ဖြတ်သင့်တယ်လို့ ကျွန်တော် ယူဆပါတယ်။

အဲဒီလို ကြားခံအဆင့်ဆိုတာ ဘာကို ခေါ်တာလဲလို့မေးရင် အလွယ်ဆုံး အဖြေကတော့ မိမိကိုယ်ကိုနဲ့ ကိုယ်သွားမယ့် နယ်ပယ်ကို စမ်းစစ်တဲ့ အဆင့်လို့ ဖြေရမှာ ဖြစ်ပါတယ်။

ကိုယ်သွားမယ့် နယ်ပယ်မှာ ဘာတွေရှိလဲ စသည်ဖြင့် လေ့လာတဲ့
အဆင့်ပါ။ ပြီးရင် အဲဒီ နယ်ပယ်တွေကို ထိတွေ့ကြည့်ပြီး ကိုယ်နဲ့ ကိုက်ညီတာကို ရှာတဲ့အဆင့် ဆိုရင်လည်း မမှားပါဘူး။

အဲဒီအဆင့်ကြတော့ သင်တန်းသွားတက်လို့
အဆင်မပြေတော့ပါဘူး။ အကောင်းဆုံး နည်းလမ်းကတော့ အင်တာနက်ပါပဲ။ အင်တာနက်ထဲမှာ ဝင်မွှေကြည့်ပါ။ အားလုံးကို အကြမ်းသဘော နားလည်အောင်၊ သိအောင် လေ့လာကြည့်ပါ။
စမ်းသပ်ကြည့်ပါ။ ပြီးရင် ကိုယ်နဲ့ ကိုက်မကိုက် သေသေချာချာ
စမ်းစစ်ကြည့်ဖို့ပါ။ အဲဒီလို စမ်းစစ်ပြီး ကိုယ်နဲ့ ကိုက်တယ်၊ ကိုယ်ကလည်း
အမှန်တကယ် ဝါသနာပါတယ် ဆိုမှသာ ရှေ့ဆက်ပြီး အဆင့်မြင့် အဆင့်တွေ တက်သင့်ပါတယ်။ အခြေခံအဆင့်ကို မျက်စိမှိတ်ပြီး ဖြတ် မမှားဘူးလို့ ဆိုနိုင်ပေမယ့် အဆင့်မြင့်အဆင့် ဆိုရင်တော့ မျက်စိဖွင့် နားစွင့်ပြီး သေချာမှ သွားဖို့ပါ။

(၆) အခြေခံ သီအိုရီများ သင်ယူမှုအားနည်းခြင်း၊ နားလည်မှု အားနည်းခြင်း

ကျွန်တော်တို့ ကွန်ပျူတာ သင်တုန်းက သီအိုရီတွေ သင်ပြီဆိုရင် အင်မတန် စိတ်ပျက်ပါတယ်။ ကွန်ပျူတာ ဆိုတာကြီးကို သင်ရင် ကီးဘုတ်ကို ထိလိုက်မှ လက်တွေ့ လုပ်လိုက်မှ နေသာထိုင်သာ ရှိပါတယ်။
အဲဒီလိုနဲ့ အခြေခံကျတဲ့ သီအိုရီတွေကို ပစ်ပယ်မှန်း မသိ ပစ်ပယ်လာ ပါတော့တယ်။

ကွန်ပျူတာနဲ့ ထိနေတယ်ဆိုရင် မျက်လုံးတွေ ပြူးနေသလောက် သီအိုရီဆိုတာနဲ့ စာအုပ်နဲ့ မျက်နှာနဲ့ မခွာတော့ပါဘူး။ စာအုပ်ပေါ် မှောက်အိပ်နေတာ လေ။ ဒီလို သီအိုရီကို မသင်ချင်တာ အပြင်က သင်တန်းတွေမှာမှ မဟုတ်ပါဘူး။ သီအိုရီတွေ အဓိက
သင်ပါတယ် ဆိုတဲ့နေရာမှာတောင် လိုင်းတားပြီး ကျက်တာကလွဲလို့ သီအိုရီသဘောကို သိအောင် မသင်ကြတော့ပါဘူး။

အပြင်သင်တန်းတွေကတော့ ဟိုးအရင်က ဆရာကြီးတွေသာ
အမိုက်ခံပြီး သင်နေဆဲ ဖြစ်ပေမယ့် ခုနောက်ပိုင်း သင်တန်းတွေမှာတော့ ဘယ်သူမှ သီအိုရီ ပိုင်းကို မထည့်ကြတော့ပါဘူး။ ကိုယ်က ထည့်ချင်ဦးတော့ အလကား အချိန်ကြီး ဖြစ်နေတဲ့အတွက် လစ်လျူရှုထားရပါတယ်။

အဲဒီလို သီအိုရီအခြေခံတွေ မသင်တော့ပဲ လက်တွေ့တွေပဲ ကစ်လာတော့ တကယ့် အဆင့်မြင့်ပိုင်းကို ကူးမယ်ဆိုတော့ တိုင်ပတ် ပါတော့တယ်။

အဆင်မြင့် ပိုင်းဆိုတာ သီအိုရီပိုင်းနဲ့ လက်တွေ့ပိုင်းကို
ပေါင်းစပ်ပြီး အသစ်ထွင်ရတဲ့ သဘောပါ။ ကိုယ်က သီအိုရီကို ကောင်းကောင်းကြီး ပစ်ထားခဲ့သမျှ အဲဒီအချိန်ကျမှ အခြေခံအဆင့် အဆင့်မြင့်ပိုင်းကို မတက်တော့ပါဘူး။ တစ်နေပါတော့တယ်။ ဒီအတွေ့အကြုံက ကျွန်တော် ကိုယ်တိုင်
ခံစားရတဲ့ အဖြစ်ပါ။

အဆင့်မြင့်မြင့် နားလည်နိုင်စွမ်းကို ရချင်လာတဲ့အခါ
သီအိုရီတွေ ပစ်ထားမိသမျှ နောင်တ ရလာပါတယ်။ ဒီလိုနဲ့ သီအိုရီပိုင်းတွေ ပြန်ဖတ် လက်တွေ့နဲ့ ပြန်ပေါင်းထုတ်ရပါတယ်။ အဲဒီလို ပြန်ပေါင်းထုတ်တာ ခုချိန်ထိကို အစပ်အဟပ် မတည့်နိုင်သေးတဲ့ အနေအထားမှာ ရှိနေပါသေးတယ်။

ဒါပေမယ့် သီအိုရီဆိုတာ စံတွေ ကိုယ်က အဲဒီ စံတွေကို ချဉ်းကပ်နေရတာ။ ဒီတော့ ဖြည်းဖြည်းချင်း ချဉ်းကပ်မှ ရမယ်ဆိုပြီး ရသေ့ စိတ်ဖြေ လုပ်နေရပါတယ်။

(၇) အပြောင်းအလဲ မြန်ဆန်လွန်းခြင်း

နည်းပညာလောကမှ အပြောင်းအလဲ မြန်ဆန်လွန်းတဲ့ အချက်ကလည်း ကျွန်တော်တို့တွေ အခြေခံအဆင့်က မတက်အောင် တားဆီးထားတဲ့ အချက်တစ်ခု ဖြစ်ပါတယ်။ ကိုယ်က ဒါလေးလေ့လာ ကောင်းတုန်း
ဒိတ်အောက် သွားတာမျိုးတွေ ကြုံဖူးကြပါလိမ့်မယ်။
ကိုယ်က အားနဲ့ မာန်နဲ့ ကစ်မယ် ချမယ် ဆိုပြီး နေမအား ညမအား လုပ်နေပေမယ့် တကယ်တန်း ချပြမယ့် အချိန်ကြတော့ သူများတွေက ကိုယ်ထက် ကောင်းတာတွေ ချပြပြီး နေတာတွေလည်း
တွေ့ရကြုံရ တတ်ပါတယ်။

ဒီလိုမျိုး အတွေ့အကြုံကတော့ ကိုယ်တွေမှ မဟုတ်ပါဘူး။
တစ်ခြားနိုင်ငံက သူတွေလည်း ကြုံရပါတယ်။ Windows 98 မှာတုန်းကလိုပေါ့ Web
Trend တွေ ကောင်းလာတော့မယ် ဆိုတာသိလို့ ကုမ္ပဏီငယ်လေးတွေကော ကုမ္ပဏီကြီး
တွေပါ စီးပွားရေး အကျိုး အမြတ်ကြီးကြီးကို မျှော်မှန်းပြီး Internet
Browser တွေ အပြိုင်တီထွင်ကြပါတယ်။ Windows 98 လည်း ထွက်လာရော Internet Browser ကို အလကား ထည့်ပေးလိုက်တော့ အကုန် နောက်ကောက် ကျကုန်ပါတယ်။

ကိုယ်က ဒီနည်းပညာ ကောင်းတယ်၊ ဒီအချိန်မှာ အလုပ်ဖြစ်တယ် ဆိုပြီးသင်နေုတုန်း အခြေခံအဆင့်က မတက်သေးဘူး။ နောက်တစ်ခု ထပ်ပေါ် လာပါတယ်။ အဲဒီလို ပေါ်လာတဲ့ အသစ်က ကိုယ်သင်နေတာနဲ့
ဆက်စပ်နေတာဆိုရင်တော်ရဲ့ လုံးဝ အဆက်အစပ် မဲ့သွားတာမျိုး ဆိုရင် သေပြီ ဆရာလို့ အော်ရမယ့် အခြေအနေပါပဲ။

ကျွန်တော်ကိုယ်တိုင်လည်း ကြုံဖူးပါတယ်။
ကိုယ်က ရိုးရိုး Web Form တွေ လေ့လာနေတဲ့ အချိန်မှာ MVC ဆိုပြီး ပေါ်လာတော့ Framework တွေ ပေါ်လာတော့ လုံးဝ အသစ်၊ နည်းပညာအသစ်ကို တည့်တည့်ကြီးကို
တိုးပါတော့တယ်။

ကိုယ်က VB6 ကို လေ့လာနေတုန်း VB.NET ကို ပြောင်းသွား
သလိုမျိုးပေါ့။ အဲဒီလို အပြောင်းအလဲ မြန်ဆန်တဲ့ သဘောကို လက်ခံပြီး
အမှီလိုက်မလား မလိုက်နိုင် ရင်တော့ နှစ်မ လက်လျော့ နေလေတော့ပဲ။ နည်းပညာဆိုရင် နယ်ပယ်စုံပါပဲ။ Hardware ကော Software ပါ အပြောင်းအလဲ မြန်ဆန်လွန်းပါတယ်။

(၈) ပူးပေါင်းဆောင်ရွက်မှု အားနည်းခြင်း

ကျွန်တော်တို့တွေ အရမ်းတော် ကြပါတယ်။ ဒါပေမယ့် သွားကြည့်လိုက် တစ်ယောက်တည်း။ တစ်ကောင်းတည်း ဒါပေမယ့် ခြင်္သေ့ဆိုတာတွေ မနည်းပါဘူး။ အဲဒီလို ခြင်္သေ့တွေ ဖြစ်နေတဲ့ အတွက်လည်း
တစ်ဂူတည်း ဘယ်တော့မှ နှစ်ကောင် မအောင်းတော့ပါဘူး။

ဆရာကြီးတွေ ပေါင်းပြီ ဆိုရင်လည်း ဆရာကြီးများ လှေစီး ခရီးထွက်ကြသည်၊ ထို့ကြောင့် လှေကြီး နစ်သွားသည် ဆိုသလိုတွေပဲ ဖြစ်နေတတ်ပါတယ်။ ဗေထိ ဆိုကတည်းက ကွဲကြပါတယ်။

အဲဒီလို ပူးပေါင်းဆောင်ရွက် နိုင်စွမ်းမဲ့နေတာလည်း ကျွန်တော်တို့
အခြေခံအဆင့်က မတက်စေတဲ့ အချက်ထဲမှာ ပါပါတယ်။ အိုင်တီဆိုတာ မပူးပေါင်းရင် ဘယ်လိုမှ ခရီးမရောက်ပါဘူး။ တစ်ယောက်တည်း ပြန်လန်နေအောင် တော်ပါစေ။
မပူးပေါင်း မဆောင်ရွက် နိုင်ရင် နိုင်ငံတကာနဲ့ မယှဉ်နိုင်ပါဘူး။ အဲဒီလို
မယှဉ်နိုင်ရင် အခြေခံအဆင့် မတက်တာနဲ့ အတူတူပါပဲ။ ဒါကတော့ တစ်ဦးခြင်း တစ်ယောက်ခြင်းစီ နဲ့ အများဆိုတဲ့ အခြေခံအပေါ်မှာ မြင်တဲ့ အမြင်ဖြစ်ပါတယ်။

တစ်ကောင်တည်း ခြင်္သေ့တွေ အနေနဲ့ အခြေခံအဆင့်က လွတ်ထွက်သွားနိုင် ပေးမယ့် အများသဘောမှာတော့ အခြေခံအဆင့် နွံထဲက ထွက်ဖို့ မဖြစ်နိုင်တော့ပါဘူး။

နည်းပညာ အသစ်တွေ တစ်ခုပြီး တစ်ခုထွက်တယ်။ သွားကြည့်လိုက် နည်းတဲ့ Team တွေ မဟုတ်ပါဘူး။ Outsourcing တွေလည်း အများကြီး လုပ်ထားသလို သူတို့ရဲ့ Team ကလည်း ကိုယ်တွေမှာ ရှိတဲ့ Team တွေ
ဘာမှမဆိုင် လောက်အောင် ကြီးမားကြပါတယ်။ အပိုင်းအကန့်အလိုက်
တာဝန်ယူနိုင်ကြသလို ပြန်လည် ချိတ်ဆက်တဲ့ နေရာမှာလည်း အံဝင်ခွင်ကျ ဖြစ်အောင် စီစဉ်ထားနိုင်ကြပါတယ်။

ကျွန်တော်တို့မှာ အဲဒီလို အပိုင်းအကန့်အလိုက်
တာဝန်ယူ ကြမယ်ဆိုရင် ပြန်ပေါင်းတဲ့အပိုင်းမှာ ဘယ်လိုမှာ ပေါင်းလို့မရတော့တာ
များပါတယ်။

အဲဒီတော့ တစ်ဦးတည်း အစအဆုံး လုပ်တာ ကောင်းတယ်ဆိုပြီး
ခြင်္သေ့တွေက ကစ်ကြပါတယ်။ Project ဆိုတာနဲ့ Team Leader ပဲ ဒိုင်ခံရေးတာ ထုံးစံလို ဖြစ်နေပါပြီ။ သူတို့လို Team အကြီးကြီးတွေ မလုပ်နိုင်တာ ထားတော့ နှစ်ယောက် တစ်ပိုင်း Team တွေမှာတောင် ဘယ်လိုမှ ပေါင်းလို့ မရနိုင် ဖြစ်နေ တတ်ပါတယ်။ ဒါကလည်း Activities တွေ မရှိတဲ့ ဘဝမှာ ကြီးပြင်းခဲ့ရတာဆိုတော့
ခက်တော့လည်း ခက်သား၊ IQ တွေကတော့ မြင့်ပါရဲ့ EQ ကတော့ မလေ့ကျင့်ခဲ့ရတော့ Team Building မှာ အခက်တွေ့ပါတော့တယ်။

ကျွန်တော် စဉ်းစားမိသလောက်ကတော့ ဒီလောက်ပါပဲခင်ဗျ။ နောက်တစ်ဆင့်မှာတော့ အခြေခံအဆင့်ကနေ ဘယ်လို ရုန်းထွက်ကြမလဲ ဆိုတဲ့ အချက်ကို လေ့လာ ကြမယ်လို့ မျှော်မှန်း ထားပါတယ်။

Credit - Programming Wiki