လူသားတွေရဲ့ အညစ်အကြေး စွန့်ပစ်ကြတဲ့ သန့်စင်ခန်ဟာ သာမန်မျက်စိနဲ့ မမြင်နိုင်တဲ့ ရောဂါပိုးမွှားတွေ များပြားလှပါတယ်။ အထူးသဖြင့် သန့်စင်ခန်းကြမ်းပြင်၊ တံခါးလက်ကိုင်တွေနဲ့ ရေပိုက်ခေါင်းထိပ်တွေဟာ ဘက်တီးရီးယားပိုးတွေ အများဆုံး ရှိတက်တဲ့ နေရာဖြစ်ပါတယ်။ နံပတ် ၁ အချက်က သန့်စင်ခန်းထဲမှာ သင့်လက်ဟာ ဘယ်နားကို ကိုင်မိသည်ဖြစ်စေ သာမန်နေရာတွေထက် ဘက်တီးရီးယား ပိုများမှာ ဖြစ်ပါတယ်။ လက်ကတဆင့် သင့်ရဲ့ဖုန်းထဲကို ဘက်တီးရီးယားတွေ စုဆောင်း ရောက်ရှိသွားနိုင်ပါတယ်။ နံပတ် ၂ အချက်ကတော့ သင်အညစ်အကြေးစွန့်တာ ပြီးခါနီးအချိန်ကျရင် ဖုန်းကို တစ်နေရာရာချထားတက်ပါတယ်။ ကမုတ်ခွက်ထဲက အညစ်အကြေးတွေကို ရေဆွဲချလိုက်တဲ့အခါ ဘက်တီးရီးယားများစွာ ပါဝင်တဲ့ ရေမှုန်၊ ရေမွှားတွေဟာ အနည်းဆုံး ခြောက်ပေနဲ့အထက် နေရာအနှံ့ကို ရောက်ရှိသွားတက်ပါတယ်။ အဲဒီအခါ သင့်ရဲ့ဖုန်းမှာ ဘက်တီးရီးယားများစွာ ရောက်ရှိသွားတော့တာပါပဲ။ လေ့လာချက်အရ လက်ကိုင်ဖုန်း ၁၀ လုံးမှာ ၉ လုံးက လူကို အန္တရာယ်ပေးနိုင်တဲ့ ရောဂါပိုးမွှားတွေ ကပ်နေတက်တယ်လို့ ဆိုပါတယ်။ ဒါကြောင့် အိမ်သာထဲကို အခုချိန်ကစပြီး ဖုန်းလုံးဝ ယူမသွားတာ အကောင်းဆုံးပါပဲ။
No comments:
Post a Comment