လစာဘယ်လောက်ရမှ အဆင်ပြေမှာလဲ

ရန်ကုန်မြို့ဟာ တခြားနယ်မြို့တွေနဲ့ ယှဉ်ရင် အလုပ်ပေါပါတယ်။ မန္တလေး၊ မော်လမြိုင်၊ တောင်ကြီး၊ မြစ်ကြီးနားစတဲ့ တခြားနယ်မြို့တွေမှာဆိုရင် ရန်ကုန်မြို့လောက် အလုပ်မပေါဘူး။ ဒါ့ကြောင့်လည်း အနယ်နယ်အရပ်ရပ်ကလူတွေဟာ ဘွဲ့ရတာနဲ့ ရန်ကုန်မြို့ကို တက်လာကြတယ်။ သင်တန်းတွေလိုက်တက်၊ အလုပ်တွေပတ်လျှောက်နဲ့ လစာကို လောက်ငှအောင်သုံးပြီး နယ်မှာရှိတဲ့မိဘဆွေမျိုးတွေကို ပို့ကြရတယ်။ အစိုးရဘွဲ့လက်မှတ် ဘယ်နှစ်ခုပဲရရ ပထမဆုံးအလုပ်မှာတော့ ၂သိန်းဝန်းကျင်လောက်ပဲရကြတာပါ။ လုပ်ငန်းအတွေ့အကြုံရှိလာမှ ၄သိန်းကျော်၅သိန်း ရကြတာပါ။ နိုင်ငံခြားဘာသာစကားတစ်ခုခု ကျွမ်းကျင်မယ်၊ လုပ်ငန်းအတွေ့အကြုံလည်း ရှိလာမယ်ဆိုမှသာ ရာထူးအကြီးကြီးတွေကို မှန်းနိုင်တဲ့ဘဝတွေပါ။

အခုချိန်မှာ ဝန်ထမ်းအများဆုံးရကြတဲ့လစာကတော့ ၂သိန်းကျော်လောက်ပဲရှိတာပါ။ နယ်ကလာပြီဆိုရင် ရန်ကုန်မှာ ပထမဆုံးအရေးကြီးတာက နေရာထိုင်ခင်းပါပဲ။ ကိုယ့်ဆွေမျိုးဆီမှာနေပြီး အလုပ်လုပ်မယ်ဆိုရင် ယာယီပဲ အဆင်ပြေနိုင်တာမို့ အဆောင်ငှားနေတာကပဲ နယ်ကလူတွေရဲ့အဓိက ပစ်မှတ်ဖြစ်လာပါတယ်။ အဲဒီတော့ ကုန်ကျစရိတ်တွေကို အကြမ်းဖျင်းတွက်ကြည့်ရအောင်။

အဆောင်စရိတ်

အဆောင်ဈေးနှုန်းက တစ်ယောက်ခန်း၊ ၂ယောက်ခန်းနဲ့ Hall ခန်းဆိုပြီး ဈေးနှုန်းကွာပါသေးတယ်။ Hall ခန်းမှာ နေမယ်ဆိုရင် ၃သောင်းဝန်းကျင်သာ ကျသင့်မှာဖြစ်ပြီးတော့ ၁ယောက်ခန်း၊ ၂ယောက်ခန်းနေမယ်ဆိုရင် ၅သောင်း၊ ၆သောင်းအထိ ကုန်မှာဖြစ်ပါတယ်။ ဘယ်လိုပဲဖြစ်ဖြစ် အဆောင်စရိတ်တော့ ၄ဝဝဝဝပဲ တွက်ပါရစေဦး။ တချို့အဆောင်တွေမှာ အဆောင်သားတွေကို ထမင်းချက်ခွင့်မပေးတာမို့ စားစရိတ်ကိုလည်း တွက်ချက်ဖို့ လိုလာပါပြီ။

စားစရိတ်

(၁) မနက်စာ

ရန်ကုန်မှာ အများအားဖြင့်တော့ မနက်စာကို လက်ဖက်ရည်ဆိုင်၊ အသုတ်ဆိုင်တွေမှာ စားကြတာများပါတယ်။ လက်ဖက်ရည်ဆိုင်မှာထိုင်မယ်ဆိုရင် လက်ဖက်ရည်၊ ပလာတာ၊ စမူဆာတွေ စားလေ့ရှိတာမို့ ၈ဝဝလောက်အထိ ကုန်နိုင်ပါတယ်။ ထမင်းကြော်နဲ့ကြက်ဥကြော်စားမယ်ဆိုရင်တောင် အနည်းဆုံး၁ဝဝဝလောက်ထိ ကုန်နိုင်ပါတယ်။ ခန့်မှန်းခြေ ၉ဝဝပဲ တွက်လိုက်ပါစေဦး။

(၂) နေ့လယ်စာ

ရန်ကုန်မှာ ထမင်းတစ်ပွဲကို အနည်းဆုံး ၁၂ဝဝလောက် ကျပါတယ်။ လိုက်ပွဲယူမယ်ဆိုရင် ၁၄ဝဝလောက်အထိ ကုန်နိုင်ပါတယ်။ ထမင်းစားပြီးရင် ခံတွင်းချဉ်ပြေအောင် လက်ဖက်ရည်သောက်မယ်၊ ဆေးလိပ်သောက်မယ်ဆို ၄ဝဝလောက်ထိ ထပ်ကုန်ဦးမှာပါ။ ဘယ်လိုပဲဖြစ်ဖြစ် နေ့လယ်စာကိုတော့ ၁၃ဝဝလို့ပဲ တွက်ချက်ပါရစေ။

(၃) ညစာ

ညစာကိုတော့ ချွေချွေတာတာပဲ ထမင်းကြော်နဲ့ လက်ဖက်သုတ်နဲ့ပဲ စားလိုက်ပါစို့။ ဒါတောင်မှ ၁ဝဝဝနီးပါးကျသင့်မှာပါ။ အသောက်အစားကြိုက်သူတွေဆိုရင် ဘီယာဖိုး၊ အရက်ဖိုးနဲ့ ထပ်ကုန်ဦးမှာပါ။ ထားပါတော့ မတွက်တော့ပါဘူး။ ညစာကို ၁ဝဝဝပဲ တွက်ကြည့်ရအောင်။ ကဲ . . . မနက်စာ၊ နေ့လယ်စာနဲ့ ညနေစာပေါင်းလိုက်ရင် ၃၂ဝဝလောက်တော့ ကုန်ပါတယ်။

ခရီးစရိတ်

ခရီးစရိတ်ကတော့ နေတဲ့အဆောင်နဲ့ အလုပ်လုပ်တဲ့ကုမ္ပဏီရဲ့အကွာအဝေးအပေါ်မူတည်ပြီး ပြောင်းလဲနိုင်ပါတယ်။ လိုင်းကားနဲ့ သွားမယ်ဆိုရင်တောင် ကားခက ၂ဝဝကျပ်ရှိတာမို့ အသွားအပြန်ဆိုရင် ၄ဝဝအထိ ကုန်နိုင်ပါတယ်။ ထားပါတော့ ၅ဝဝပဲ တွက်ကြည့်ရအောင်။

အသုံးအဆောင်

ကဲ . . . . ဒီနေရာမှာတော့ တစ်ယောက်နဲ့တစ်ယောက် တူမှာမဟုတ်ပါဘူး။ ရေဖိုး၊ မီးဖိုး၊ ဆပ်ပြာဖိုး၊ ခေါင်းလျှော်ရည်ဖိုး၊ ခေါင်းလိမ်းဆီဖိုး၊ အဝတ်အစားဖိုးတွေ အကုန်လုံးအကျုံးဝင်ပါတယ်။ သုံးရင် သုံးသလောက် ကုန်မယ့်နေရာပါ။ ရည်းစားသညာရှိရင် ရုပ်ရှင်ရုံလိုက်ပြတာနဲ့ မုန့်စားတာနဲ့ အပိုတွေကုန်နိုင်ပါသေးတယ်။ ဒါတွေတော့ မတွက်တော့ပါဘူး။ ထားလိုက်ပါတော့ အသုံးအဆောင်စရိတ်ကိုတော့ တစ်လမှာ ၂ဝဝဝဝပဲ တွက်ကြရအောင်။

ကျန်းမာရေးစရိတ်

အလုပ်လုပ်နေတာဆိုတော့ နှာစေးခေါင်းခဲဖြစ်ရင် ကွမ်းရွက်ပြုတ်ရည်သောက်လို့ ရတာမဟုတ်ဖူး။ အလုပ်မပျက်ရအောင်လို့ ဆေးခန်းကို အချိန်မီဆေးခန်းကို သွားရတာပဲ။ အခုလို တုပ်ကွေးရာသီဆိုရင် ပိုဆိုးတယ်။ ဆေးခန်းကိုသွားရင် အနည်းဆုံးတော့ ၃ဝဝဝလောက် ကုန်တာပဲ။ ဆေးခန်းစရိတ်တော့ မတွက်တော့ပါဘူး။ Paracetamol ၊ Biogesic ၊ Decogen ဖိုးတွေကိုပဲ တွက်လိုက်ပါစို့။ တစ်လမှာ ၁ဝဝဝဝပဲ ထားလိုက်ပါ။

ဖုန်းဘေလ်ဖိုး

သူငယ်ချင်တွေနဲ့ ဖုန်းပြောမှာတို့ အင်တာနက်သုံးမှာတို့ဆိုရင် ဖုန်းဘေလ်ဖိုးကလည်း မထောင်းသာပါဘူး။ ဒါ့ကြောင့်လည်း ထည့်တွက်လိုက်တာပါ။ အင်တာနက်သုံးရင် ဖုန်းဘေလ်က တအားကုန်ပါတယ်။ Data Package လုိုက်ဝယ်ထားမှသာ အဆင်ပြေမှာပါ။ ဖုန်းဘေလ်က မကုန်ဘူးဆိုရင်တောင် တစ်နေ့ကို ၁ဝဝဝနီးပါးကုန်ပါတယ်။ လွယ်လွယ်ကူကူ ၂၅ဝဝဝလို့ပဲ ထားတာပေါ့။ ကဲ . . . . . . ဒါဆိုရင် ကုန်ကျစရိတ်တွေကို တစ်ခုချင်း ပေါင်းကြည့်ရအောင်။

စုစုပေါင်း ကုန်ကျစရိတ် (တစ်လစာ)

ရန်ကုန်မှာဆိုရင် သာမန်လူတစ်ယောက်ရဲ့အသုံးစရိတ်က ၂သိန်း၆ထောင်ကျပ် (၂ဝ၆,ဝဝဝကျပ်) နီးနီးကုန်ပါတယ်။ ဒီစရိတ်ထဲမှာ ဘီယာဖိုး၊ အရက်ဖိုး၊ ဆေးလိပ်ဖိုး၊ ကွမ်းဖိုးတွေ မပါသေးပါဘူး။ လူလိမ္မာတစ်ယောက်ရဲ့ နေ့စဉ်အသုံးစရိတ်တွေပါ။ ချွေတာချင်ရင်တော့ ဖုန်းဘေလ်ဖိုးကို လျော့ချလို့ရပါတယ်။

တစ်လကို အသုံးစရိတ်က ၂သိန်းလောက်ကုန်တာဆိုတော့ ၂သိန်းခွဲပဲရတဲ့ ဝန်ထမ်းအနေနဲ့ တစ်လလုံးချွေတာမှ ၅သောင်းပဲ စုမိပါတယ်။ ကိုယ့်အတွက်အရေးပေါ်အခြေအနေမှာ ပိုက်ဆံသုံးဖို့ချန်ထားရတာမို့ ပိုတဲ့၅သောင်းကိုလည်း အိမ်ပြန်ပို့ဖို့ မဖြစ်နိုင်သေးပါဘူး။ တကယ်တမ်းတော့ ပထမဆုံးအလုပ်မှာ ၂သိန်းကျော်ရဖို့ မလွယ်သေးပါဘူး။ ဒါ့ကြောင့်လည်း ဘွဲ့ရခါစလူငယ်တွေအနေနဲ့ အလုပ်ရနေပေမယ့် အိမ်ကို ပိုက်ဆံပြန်တောင်းနေရတာဖြစ်ပါတယ်။

လူငယ်တွေဟာ ရန်ကုန်မြို့တော်ကို မျှော်လင့်တကြီးလာခဲ့ပေမယ့် ရတဲ့လစာနဲ့ အသုံးစရိတ်တွေက မကာမိပါဘူး။ တစ်လမှာ အနည်းဆုံး ၄သိန်းလောက်ရမှသာ လူတန်းစေ့နေနိုင်စားနိုင်တဲ့ဘဝပါ။ အဆင်မပြေတဲ့ဒဏ်ကို ကြံ့ကြံ့ခံနိုင်မှသာ ရန်ကုန်ကို လာသင့်ပါတယ်။ လောကဓံလှိုင်းအပုတ်ကို ကျောခံတံတိုင်းလုပ်ပြီး ဘုရင်နောင် ဖောင်ဖျက်တိုက်ပွဲဝင်တဲ့စိတ်မျိုးနဲ့ ရန်ကုန်ကို အရောက်လာပြီး ကြိုးစားမယ်ဆိုတဲ့ စိတ်နှလုံးမျိုးရှိမှသာ ရန်ကုန်ကို လာခဲ့စေချင်ပါတယ်။ ကြိုးစာနေတဲ့ လူငယ်တွေလည်း လိုရာပန်းတိုင်ကို လျှောက်လှမ်းနိုင်ပါစေ။

Credit - akhayar